«Сүректі қайта өңдеу технологиясы» курсы ағаш шикізатын кешенді және ұтымды пайдаланудың заманауи технологиялық негіздерін оқытуға бағытталған. Пәнде сүректі алғашқы және екінші қайта өңдеу үдерістері, ағаш материалдарының физика-механикалық қасиеттері, оларды өңдеудің технологиялық сатылары мен қолданылатын жабдықтар қарастырылады. Курсты меңгеру барысында студенттер ағашты дайындау, тасымалдау, сұрыптау, кесу, кептіру, желімдеу, престеу және қалдықсыз немесе аз қалдықты өндіріс қағидаттары бойынша қайта өңдеу технологияларымен танысады.
Оқу барысында ағаш қалдықтарын тиімді пайдалану, олардан тақтайша материалдар (ДСП, МДФ, OSB), қағаз және картон өнімдері, сондай-ақ биожанармай (пеллет, брикет) өндіру технологиялары қарастырылады. Сонымен қатар, сүректі қайта өңдеу саласындағы экологиялық қауіпсіздік талаптары, еңбек қорғау нормалары және өндірістік процестерді автоматтандыру мен цифрландыру мәселелері қамтылады. Пән студенттердің технологиялық ойлауын қалыптастырып, ағаш өңдеу өндірісінде инженерлік және ұйымдастырушылық шешімдер қабылдау дағдыларын дамытуға бағытталған.
- Teacher: Гульнара Нуртасина